محفظتك* تحت المجهر

الظاهر كدا انه كله تحت المجهر
ومدام دخلت الصفحة دي يا ادم لازم تجاوب والااااااا



الاسئله
يا آدم
.
.
.
1- بتحط فى محفظتك صور شخصيه ليك ولا لأ
(او لحد عزيز عليك )
2 - لون المحفظه ايه؟ ونوعها كمان؟
3- اكبر مبلغ واصغر مبلغ وضع فيها؟
4 -ياترى معاك فيزا كارت ولاء
5 - ايه هو الشئ اللى مش تقدر تستغنى عن
وضعه ف المحفظه؟
6- اشتريت كام محفظه وتسرقت؟
7- حاجه ضاعت من المحفظه وزعلت عليها؟
8- موقف طريف اتعرضت له
( نسيتها مثلا لاقيتها فاضيه و قال ايه كان فيها .....)
9- فيها كام جيب المحفظه؟
10- اوصف محفظتك بكل حزافيرها؟
11- ياترى لسه محتفظ باول محفظه اشتريتها؟
ويا ترى يا هل ترى مين اللى كان شريها ها
(لوانت بنفسك اذكر ثمنها-ولوهدية من مين ياترى )
12- آى أقوال آخره تحب تضيفها يا آدم
*السؤال الاجبارى:
13- المحفظه دلوقتى فيها فلوس قد ايه
*السؤال الاتى للمتزوجيين فقط:
14- هل بتسمح لزوجتك بفتح محفظتك؟
ولا هى كدا كدا بتفتشها تفتيش ذاتى؟

.
1- محفظتى فيها صورة لأمى وصورة لأختى و3 صور ليا علشان الظروف وصورة لبنت عمتى وعندها 7 سنين

2 - لون المحفظة اسود ونوعها Nike
3- اكبر مبلغ مش فاكر والله بس لما بيكون فلوس كتير مش بحطها فى المحفظة
واصغر مبلغ خمسين قرش على ما اتذكر
4 - معايا فيزا وحاططها فى جيب مع البطاقة وكارنية الجامعة
5 - ممكن استغنى عن وضع الفلوس
6- اشتريت كام كتيييير وكام واحدة اتسرقت ولا واحدة الحمد لله
7- حاجة ضاعت من المحفظة البطاقة ومعرفش وقعت ازاى .
8- موقف طريف اتعرضت له .. لا يوجد ببقى عامل حسابى
9- 6 جيوب
10- اوصف محفظتى فيها 2 جيب كبير للفلوس وجيب للصور وجيب للبطاقة والفيزا وجيب حاطط فيه ارقام تليفونات مهمة وجيب فاضى
11- لا طبعا مش محتفظ بأول محفظة لسبب بسيط انها كانت اتقطعت خالص
وانا اللى كنت شاريها وانا فى تالتة اعدادى وتمنها كان 5 جنية على ما افتكر
12- اقوال اخرى امممم ايوة مش بعرف انزل م البيت غير لما اتأكد ان المحفظة فى جيبى
*السؤال الاجبارى:
13- ولازم فلوس قد ايه والاحراج ده
ع العموم هى فيها 600 جنية مع الاخذ بالاعتبار انهم مصاريف الكلية ههههههههههههههههه



موضوع لذيذ جدا يا علا ويستحق التقييم

يعطيك العافية يا احمد
جاوبت على كل الاسالة وما تجاهلت اي سؤال
احييك على صراحتك لان قليل ادم يكون
بيحب يرد على هالانواع من الاسالة
احييك على ردودك
واشكر مرورك الكريم
:flowers:

برافو يا احمد انك جاوبت على الأسئلة بشجاعة
لكن يا لولو اهم سؤال نسيتي تسأليه
بتشيل محفظتك فين ؟؟؟
هههههههههههههههههههههههههه

ههههههههههههههههههههههههههه بشيلها فى جيبى حتى وانا نايم يا دودى
يعنى بلاش اللى انتى بتفكرى فيه علشان مش هتعرفى : i warn you: :cool man:

ماشي يا ابو حميد
انت جاوبت بكل صراحة
ممكن بس اعرف عنوان بيتكم ؟؟؟
وسيب الباقي عليا انا
ههههههههههههههههههههههههههههههه

يا ست الكل المحفظة وصاحب المحفظة تحت أمرك
بس ده طبعا بعد ما اخد الحاجات اللى فيها
انتى يعنى جيتى على محفظة ما تغلاش عليكى

ههههههههههههههههههههههه
هى عاوزة فهلوى يا دودي اكيد بيحطها جنب السرير على
الكومودينواو بالدولاب والاغلبية بجيب البنطلون يعنى
الواحد مش حيغلب مكانها معروف ومش بيتوه
بس انتى انوى وانا معاك يا معلمة
:yahaa:

هههههههههههههه
و الله يا جماعة انتوا تاعبين نفسكوا ع الفاضى
اللى اعرفه ان الرجالة - معظمهم يعنى - بيحبوا يعملوا ناصحين
و مبيحطوش الكاشات فى المحفظة
و مع ذلك
وقت ما خيبة الامل بتيجى و الحرامى بينط
لا بيبقى فيه محفظة ولا حتى شلن فى جيوبهم
اسألونى انا
بس بامانة من اجابات احمد
واضح ان الرجالة منظمين و شيلتهم سهلة
مش زى حالاتنا و حال شنطنا اللى بتبقى عاملة زى دولاب الخزين و احنا خارجين
مشكورة على الموضوع يا لولو

ههههههههههههههههههههههه
ربنا يبعد عنكم الحرامية
وبالنسبة للشنط بتاعتنا لا شنط ايه دول هاند باج يا ماما
بالذات بعد ما طلعت موضة الشنط الكبيرة
وبقت هيصة ما بقتش تتعرف الشنطة من شنطة السفر
نورتي الموضوع يا قمر