ؤكد باحثة العلاقات الإنسانية شيماء فؤاد أن هناك احتياجات للمرأة من زوجها، أهمها الشعور بأنها محبوبة بصدق ومرغوبة ومقدرة، كما تحب التعامل، وكأنها طفلة مدللة سيظل زوجها بجانبها للأبد، وأنها الوحيدة الرائعة فى العالم، فالمرأة تحتاج أن يضمها زوجها أكثر من مرة فى اليوم، كما تحتاج الإطراء على مسامعها بالعديد من الكلمات الرقيقة.

على سبيل المثال يقول لها إنه لا يشعر بالارتياح بدونها، ويحاول الاتصال من العمل كى يطمئن عليها، ويسألها فى كل مرة يخرج يسألها عما إذا كانت تريد شيئا من الخارج، أو عندما يمدحها فى كل شىء فعلته، وعندما يعرض عليها الخروج معه للتنزه قليلا، وحينما يتذكرها دون أن تتذكره، وتكتمل سعادتها من زوجها إذا ما قرر الوقوف لمساعدتها فى المطبخ.

وترى "شيماء" ضرورة أن يحاول الزوج تدليل زوجته بأن ينادى عليها بـ "يا صغيرتى"، "أو يا حبيبتى"، "يا طفلتى"، لأن كل هذه الألقاب تسعد المرأة وتبهجها، وكذلك إحساس الرجل باهتمامه بيومها ماذا فعلت، وتضيف "شيماء" هناك مجموعة من السلوكيات التى ستساعد الزوج على اكتساب مودة وحب زوجته، مثل إرسال هدية لوالدتها دون مناسبة، ومثلما يحاول المسك بأيديها أثناء عبور الطريق، ولا يشعر بالإحراج من ذلك كونها زوجته، وأخيرا يحاول الزوج فتح باب السيارة، أو سحب المقعد فى المطاعم والأماكن العامة، يقوم الزوج بإعداد وجبة الإفطار يوما ما دون إخبار الزوجة بذلك.

طبعا مفيش اى ادم ف الدنيا هيعجبه الكلام اللى ف المقال ده
و معظم تعليقات بنى ادم اللى جت ع المقال كانت مابين ايه العبط ده؟
و فاضل ايه بقى غير اننا نطبخ مكانها؟
و مفيش واحدة تستاهل كده
و الستات كلهم نكد
و قليل جدا جدا اللى ذكر الحديث الشريف "خيركم خيركم لاهله"
انا بقى كان ليا نصيحة لكل ادم حابب يعيش متهنى
انه يتنازل شوية عن دور سي السيد اللى معظم الرجالة معيشين نفسهم فيه
و يسيبوهم من شوب التناكة اللى بياخدوه على غيار ريق يوماتى
و ميغفلوش اللمسات الرومانسية اللى اتذكرت فى المقال دى
لانها بجد على اد ما هى بساطة او تبان هايفة ليكم
بس لها مفعول سحرى على كل بنات حواء
و بجد لو طبقتها هتاخد عينينا الاتنين

عندك حق يا دوللي
لكن برضه يوجد طرق كتير ممكن حواء تعرف وتقدر حب زوجها لها
مش لازم يا صغيرتي يا طفلتي والكلام ده
التصرفات ممكن جدا تكون كافية للمعرفة
وعلى حواء الرضا بكده وتحمد ربنا
لأن في مجتمعنا يوجد نوعين من آدم لايبوح بعواطفه
إما لأنه مش بيعرف يعبر بالكلمات
والنوع التاني تربي على ان ده عيب كبير في الراجل
لو اظهر مشاعره امام اي حد حتى ولو زوجته
عزيزتي حواء نصيحة بجد
اكتفي بالمواقف وطريقة التعامل والتصرفات
ولا تنتظري الكلمات
لأنك كده حتنتظري كتير قوي
هههههههههههههههههههههههه
شكرا يا دوللي حبيبة قلبي على الطرح الرائع

طيب
كده ممكن نضيف لادم اللى مش هتعجبهم المقالة واحدة من حواء
كده برضه يا دودى تشمتيهم فينا
خليتى لهم ايه طيب يقولوه بعد المرافعة دى؟
اى واحد طبعا - و اولهم زوجى العزيز - هيجرجر المدام من ايديها و يخليها تقرا تعليقك تلات مرات ف اليوم
ههههههههههههههههههههههههه
و الله يا دودى مرافعتك منطقية من وجهة النظر الرجوليه
بس حبيبتى ما هو يعنى المقال موجه للنوعين دول من بنى ادم
النوع اللى مبيعرفش يتكلم - ولو انى اشك انه موجود اساسا ده تلاقيه بيستهبل بس
و النوع التانى اللى سايق ف التناكة ده
مشكورة على الرد يا دودى نيابة عن بنو ادم

انا عن نفسي شايفة ان الكلام مهم برضه
مش كله بالافعال .. احيانا لازم الواحدة تسمع
كلام حلو وتدلع كده .. انا لو جوزي في المستقبل قالي
يا طفلتي ويا صغيرتي دي انا هبقي اكتر من طايرة
كلمة جميلة جدا اكيد بتدي احساس جميل زيها
ده مش بعيد اني ادمع من الفرحة لما اسمعها

بالنسبة للناس اللي مش بتعرف تتكلم
أكيد فيه ناس مش بتعرف تتكلم .. انتي ما قريتيش
الموضوع بتاع الرجل الخجول؟ النوع ده موجود اكيد
بس لازم يخرج من قوقعته بالذات مع زوجته يعني

dolly كتب:

طبعا مفيش اى ادم ف الدنيا هيعجبه الكلام اللى ف المقال ده
و معظم تعليقات بنى ادم اللى جت ع المقال كانت مابين ايه العبط ده؟
و فاضل ايه بقى غير اننا نطبخ مكانها؟
و مفيش واحدة تستاهل كده
و الستات كلهم نكد

توتى يا حبيبتى
شوفى يا بنتى
من ناحية انك هتدمعى بعد الجواز
فلازم تعرفى انك هتلاقى شلالات من الدموع لما زوجك بس يدلعك و يقولك يا توتى بدل لقب "انتى يا ست انتى" او "انتى يا ولية"
و ده على حسب ثقافته يعنى
و بالنسبة لردك يا ميدو بامانة انا مستغربة
انت مبتسمعش حوارات المتزوجون فى الارض - يعنى طالما انت مش ماشي تبع نظام الازواج اللى بيتورث من عصر الديناصورات
انا هاحط لك الرابط بتاع الموضوع
و امانة عليك تدخل تشوف تعليقات الرجالة
و هتلاقى تعليقى موجود برضه تحت اسم دوللى رقم 13
و اعتقد انه بعد ما تقرأ التعليقات مش هتكون مصدوم للدرجة
ده الرابط
http://www.youm7.com/News.asp?NewsID=545553&SecID=89&IssueID=0

هههههههههههههههههههههههه
والله الردود تموت من الضحك
ناس مؤيدة بشدة وناس معارضة بتعسف
بس الحقيقة تقال ان اكيد كل واحد له أسبابه
ههههههههههههههههههههه
حبيبة قلبي دوللي القمراية
انا لما قلت ان بعض الرجال
مش بيعرفوا يعبروا عن مشاعرهم بالكلام
لكن بالتصرفات لأني لامسة ده في حياتي
وفيق من الرجال اللي بيعبر عن حبه بالتصرفات والإحتواء
ولما اتعب شوية شوفي كم القلق والخوف عليا قد ايه
وهو ده اللي يهمني في المقام الأول
يافرحتي بواحد طول النهار يسمعني كلام زي العسل
وتصرفاته زي الزفت ولابس لي طول النهار الوش الخشب
ههههههههههههههههههههههههههه
عموما حبيبة قلبي دي وجهة نظري
شكرا حبيبتي على طرح الموضوع للمناقشة

شوفتى التعليق بتاع بلدياتك رقم 21 يا دودى
هيطخونا يا امه
حبيبتى دودى
انا مصطفى بيعمل معايا نفس اللى بيعمله معاكى الاستاذ وفيق
و يمكن اكتر
لان جه عليا وقت كنت تعبانة فيه جدا و احنا بره
ووصل بيه الحال و الله لانه كان بيغسل كمان
انما حبيبتى الكلام
الكلام يا ناس
يعنى هو ف الخطوبة حلو
و بعد الجواز no comment
عارفة
انا لما باتناقش مع مصطفى ف النقطة دى بيقولى ايه؟
طبعا بعد نظرة استهجان مقرونة باشمئزاز
يا بنتى انا شطبت
خلصت
و اساسا نسيت مخارج الالفاظ بتاعة الكلام ده
طب يعنى بامانة انتى يرضيكى كده؟

هههههههههههههههههههههه
لأ طبعا مايرضنيش يا دوللي حبيبة قلبي
يمكن رأيي ده نابع من مرحلتي السنية
لكن الشابات بيبقى لهم وجهة نظر مختلفة
بس برضه ممكن تلاقوا مليون موضوع تتكلموا فيه
عشان التواصل الفكري يبقى موجود وماتوصلوش لمرحلة الخرس الزوجي
طيب حبيبتي حاولي انتي تنكشيه وربنا يستر عليكي
ههههههههههههههههههههههههه
لكن لو حصل اي حاجة لا قدر الله








ولا اعرفك حبيبتي الندالة حتظهر على طول

هههههههههههههههههههههه
ربنا يهدي للجميع كل احواله يارب.

اطمنى يا دودى
احنا بنتكلم فى كل حاجة
بس هو بيديها فرامل بس لما انكشه فى حاجات على نوعية "يا صغيرتى.. و يا حبيبتى" دى
انما ايه النظام؟
انتى ماشية على نظام
احنا صحاب
ان عشنا نعيش سوا
و ان متنا طير انت
ولا ايه؟

حبيبتي العمر مش بعزقة يا قمر