بعد انتهاء المرحلة الاولى للانتخابات و ظهور النتيجة بتفوق التيار الاسلامى
طلعت علينا الكنيسة ببيان غريب
عن ان 10000 مصرى مسيحى قدموا طلب هجرة بسبب خوفهم من حكم الاسلاميين
و ظهر وقتها احد القساوسة و ناشد المسيحيين انهم يتحلوا بالهدوء و بالصبر
و تكلم كثيرا عن فتح مصر و اصل تواجد المسيحيين بها و ما الى ذلك
و على الجانب الاخر برضه
طلع لنا فلوباتير الفقر ده
و نزل تسخين و تهديد ووعيد بثورة جديدة ف التحرير
استغربت جدا جدا لتناقض الموقفين - و اهو الاتنين من رجال الدين
و استغربت كمان لان طلبات الهجرة يعنى طلعت بين يوم و ليلة كده مرة واحدة
انما اكتر شئ فاجئنى هو موقف الاعلام
اسكت هس
كأن شيئا لم يكن
و فى الوقت اللى كنت باستعد فيه للكتابة عن الموضع ده
لقيت اليوم مقال للكاتبة المبدعة حنان شومان
ولا اروع
اعتبره رسالة للجميع
اقباط و مسلمين
للمصريين الحقيقيين اللى بيعشقوا تراب بلدهم بجد
و اتمنى من كل قلبى لو يتم نقله و نشره فى كل مكان
لتعم الفائدة للجميع
اسيبكم مع المقال الاكثر من رائع

جمعتنى بها منذ سنين طويلة ملاعب مدرستنا الواسعة، ونحن لم نتعلم بعد كيف
نخط القلم، وكان أول ما تعلمنا كيف نبنى منازل من الرمال وننحت تماثيل من
الصلصال نضعها فى تلك المنازل لنخلق بها حياة. ومنذ أن تعلمنا كيف نخلق أو
نعيد خلق الحياة بالخيال صرنا صديقتين تجمعنا المدرسة التى كان يديرها
رهبان، ولم تكن المدرسة فقط هى ما جمعنا أو الخيال، ولكن أشياء أخرى كثيرة،
فأمى كانت تشبه أمها، وأبى كان يشبه أباها، وكان لها أخت أكبر منها كما
كان لى، وكانت تحب الآيس كريم كما أحبه، أى بعبارة قصيرة موجزة كانت مارى
كما يطلق عليها مدرسونا الأجانب، أو مريم كما كان يناديها مستر محمود مدرس
اللغة العربية، صديقة الخطوات الأولى فى الحياة.

ولم نكن نفترق طوال سنوات الحضانة، ولكن فى السنة الابتدائية الأولى دخلت
علينا مدرسة تطلب أن ينتقل بعضنا إلى فصل آخر، لأن حصة الدين قد حانت، ولم
أستطع فى لحظتها أن أفهم أو أقبل لماذا يجب على مارى أن تذهب لفصل آخر، ولا
تجلس إلى جوارى كعادتنا، فقررت أن أصاحبها، ولكن مدرستى طلبت منى البقاء،
وشرحت لى أن المسلمات وأنا منهن عليهن أن يجلسن، والمسيحيات عليهن أن
ينتقلن إلى الفصل الآخر لدراسة الدين الخاص بهن، وكانت تلك هى اللحظة
الأولى لى ولها التى نعرف فيها أن هناك شيئا مختلفا فيما بيننا كفيلا بأن
يجعل كلا منا يجلس فى فصل مختلف. وبعد انتهاء حصة الدين وعودة مارى حكى كل
منا ما سمعه من درس، لنعرف بغريزة الأطفال ما الذى فرقنا، ومن الغريب أننا
اكتشفنا أن نفس ما ذكرته مدرسة الدين الإسلامى هو نفس ما تكلمت عنه مدرسة
الدين المسيحى، وكان الاختلاف الوحيد أن واحدة استشهدت بكلمات من القرآن
والأخرى بكلمات من الإنجيل، وحين اكتشفنا ذلك وبنفس غريزة الأطفال ذهبنا
لمدرستينا لنقل لهما إنه لا داع لتفريقنا مرة أخرى فى فصلين إن كان ما
نتعلمه هو نفس الشىء، ولم تنهرانا مدرستانا أو تتعجبا، لأنهما كانتا مربيات
فضليات فى زمن أفضل، بل أفهمانا وأكدا أن ما ظننا أنه اكتشاف خاص بنا هو
شىء مؤكد، لأن الأديان التى أنزلها الله تتفق أكثر مما تختلف، وتتكامل ولا
تتقاطع.

كانت مارى وغيرها ممن يذهبن إلى الفصل الآخر يصمن معنا فى رمضان، وكنا نحن
نغنى معهن الكريسماس كارول، أو أغنيات الكريسماس فى كنيسة المدرسة.

كانت مارى تقف لتحمل لى «الفوطة» حين أرادت مدرستنا أن تعلمنا الوضوء
السليم والصلاة فى جامع المدرسة الذى بناه لنا الرهبان دون أن يجبرهم أحد
على ذلك، وكانت لا تأتى أبداً بسندوتشات المورتاديلا التى تحبها إلى
المدرسة، لأنى قلت لها إن أمى قالت لى إنها حرام، ولا يجب أن نأكل لحم
الخنزير. كانت مارى أو مريم ومازالت صديقتى، حتى بعد أن فرقتنا الأيام لقسم
علمى وأدبى، ثم لكلية الطب وكلية الإعلام، ثم العمل، ثم تغيرت كثير من
ملامح مصر، وتغيرت نفوس الناس وأشكالها وعلاقات البشر، ولم يتغير أبداً ما
بينى وبين مارى، حتى حينما قررت أختها الهجرة وأرادت أن تقنعها بها وقفت
لها معترضة كما فعلت مارى نفسها، حين شكت لى أن أولادها المتفوقين لم يتم
تعيينهم فى الكليات التابعين لها لأنهم مسيحيون، قلت لها: وكم من مسلم بلا
وساطة ضاع حقه.

كانت مارى تشكو لى وكنت أشكو لها أيضاً فساد الذمم الذى يجمعنا كلنا تحت
مظلته، كانت تحكى عن مظالم للمسيحيين، فأرد عليها بمظالم للمسلمين، وأقول
إنها مظالم مصريين، وحين اقترح عليها أبناؤها قبل الثورة بشهور الهجرة
لخالتهم رفضت وبشدة أن تترك مصر بلدها.

خبر صغير يقول إن عشرة آلاف مسيحى تقدموا لطلب الهجرة خوفاً من تولى
الجماعات السياسية الإسلامية الحكم.. اتصال من مارى تقول إن ولديها رقم من
بين عشرة آلاف فى طريقهم للهجرة.. رسالة منى على الهاتف المحمول لمارى:
«إذا هاجر أبناؤك فسيكونوا مثل الفلسطينيين الذين باعوا أرضهم ورحلوا خوفاً
من بطش الصهاينة، وهم ليسوا فلسطينيين، والمسلمون المصريون ليسوا صهاينة،
وعلينا مسلمين ومسيحيين إن كان بيننا، منا أو منكم، صهاينة أن نطردهم لا أن
يطردونا»..

انتهت رسالتى لمارى أو مريم.. أى مارى.. أو أى مريم.

والله يا دوللي الموضوع مرعب ومحير جدا جدا بجد
زمان كان ده الوضع العادي زي ماكتبت حنان شومان بالظبط
وانا كمان كان لي صديقات مسيحيات اكتر من المسلمات
لكن حبيبتي الزمن اتغير والوجوه اتغيرت والنفوس اتغيرت
انا بقولك كده كمسلمة مرعوبة من حكم الإسلاميين
واللي ممكن يعملوه فينا وفي البلد وربنا يستر
فما بالك بقى بالأخوة المسيحيين
حيكون شعورهم إزاي خصوصا بعد تصريحات بعضهم ؟؟؟
طيب حبيبتي انا حأقول لك حاجة حصلت النهاردة قدام وفيق
كان عنده لجنة وخلصت متأخر وعربية الشغل مشيت
فإضطر يركب مترو الأنفاق لأنه أسرع حاجة دلوقتي في مصر
وإذ فجأةً لقوا راجل عنده دقن طويلة مسك واحدة مش شعرها
وهات يا شتيمة وقلة أدب
قال لها انتي ست سافرة وكافرة يالا انزلي ماتركبيش معانا
وحط رجله بين الباب عشان يحدفها بره المترو
طبعا كل الناس ماعجبهاش اللي بيحصل ده
قام واحد راجل بصراحة شجاع ومحترم وعنده وضمير حي
اتشعلق في المساكات اللي فوق ورجع لورا وحدف نفسه عليه
طبعا الراجل كده بقى خارج المترو
لكن مش قادرة اقولك كم التعليقات اللي اتقالت قد ايه
هو ده اللي منتظرينه من حكم الإسلاميين ؟؟؟
طيب فين احكام ربنا والسنة ؟؟؟
ده النبي عليه افضل صلاة وسلام كان بيتعامل مع كل اهل الكتاب
نيجي احنا بقى ونبتدع دين وسنة وتعاملات جديدة ؟؟؟
هل ده شئ يرضي ربنا ؟؟؟

شوفى يا دودى
لكل قاعدة شواذ
يعنى رجال الدين - ايا كانت ديانتهم - و هم رجال دين
تلاقى فيهم المتشدد و فيهم الوسط
انما السياسة و الحكم ده شئ تانى
على اسوأ الفروض
الناس خايفة من مين اكتر؟
السلفيين صح؟
بيقولك هنبقى زى السعودية و الستات مش عارف هيعملوا فيهم ايه و المسيحيين معرفش ايه
صح؟
لا مش صح
عارفة ليه؟
السعودية اللى بتحكم بشرع الله
قسما بالله الكفار فيها و عبدة النار من الهنود واخدين وضعهم هناك بدون النظر الى امر الدين
عايشين و شغالين عند المسلمين من اصحاب البلد و الاجانب كمان
ووقت الصلاة لما المحلات بتقفل
بياخدوا راحة لحد ما الصلاة تنتهى
و محدش بيتعرض لهم
انا بانقل صورة عايشتها بنفسي هناك
طيب بالعقل
ده وارد يحصل هنا؟
ممكن
بس مش السنة دى
ولا اللى جاية
ولا حتى بعد 20 سنة كمان
التغيير لما يتم - ده لو تم - مبيحصلش بين يوم و ليلة
و مفتكرش انه الناس اللى حابة تطبق شرع الله
هتاكل حقوق اهل الذمة
مشكورة على المرور يا دودى