الواد فبطن امه .. ف الشهر التاسع
مامته قالــتــلـه اوعــى تــنــزل .. بابــنـي الـبــلـد بتثور
و انـــا بــوعــدك..هـبـقـى أولــدك ,,لـمـا الــريـس يـغـور
-------------------------------------------------------------
D: أنزِل يا أماا ؟
يابــنــي اسـتـنى الريس غار
بـــــــس لــــسة مـــــافـيش استقرار
علشان تلقى رغيف العيش
! اُصبُـر ست شهور عالجيش
--------------------------------------------------------------
انزل يا أماا ؟
يا بني استنى ماتستعجلش !!
! هــــو انا عايزاك يعني ماتنزلش ؟؟
سيب الجيش شغال بمزاج
ليه تفسي كاوتش الانتاج ؟
و خلاص بيحاكموا اهو المخلوع
يعني اتطمن م الموضوع
و بكرة جمعة التطهير
يوم السبت اِنزل على خير !
------------------------------------------------------------------
: ] هااااااا .. انزل يا أماا ؟
لا استني كمان معلش
اصل الناس يومها مانزلتش
يا أما ازاي ؟ ده أنا لسة شايف ف المصري اليوم
! التحرير فيه كذا مليون
ما تبقاش خايب زي ابوك
! دول فوتوشوب .. ازاي خدعوك؟
-----------------------------------------------
انزل يا أماا ؟؟-
اسكُت يابني
شفت ابوك راح يشتري فول
راحوا مسكوه على انه فلول ,,,
يا أما ازاي ؟؟؟ من غير قضية ؟؟
لأ محاكمة عسكرية
-------------------
:S طب أنزِل يا أماا ؟؟
شفت في حادثة ناحية بيتنا
كنيسة اتضربت فحصل فتنة
ازاي يا أما !! و الحكومة فين؟؟
أما صحيح مجلس مساطيل
يا بني بس ماتظلمهوش
!كانت الساعة اتنين بليل
------------------------
أناا ناااازل يا أماا
:@@@@@@@@@
مش عارفة ليه مستعجل انتَ
فاكر انك أجدع م الشرطة ؟!
اُصبُر شهر اتنين ب كتيره
و اِنزل على تسليم السُلطة
:S
لأه خلاص يا أما و لايهمِك-
خدت خلاص عالقعدة ف بطنِك..
بس بصراحة اصلي زهِقت
و صللي عندي كابل الِنت
و لو الكابل هيعمل زنقة
حطي بداله واي فاي مش فارقة
و بلاي ستايشن و دراع مالتي
نلعب أنا و أخويا يا مامتي
اه ب الحق اخوك عامل ايه ؟
سلملي بالمرة عليه
:اخويه كويس اهو بيقوللك
ماتنسيش تبعتي ليه بلالين
.. اصله بكره هيتم التلاتين
,,,
: و بيسأل
انزل يا أما :) ؟ ؟ ؟ ؟ ؟ ؟ ؟ ؟

جميل جدا يا ميرنا تسلم ايديكي حبيبتي
بيعبر عن حال بلدنا دلوقتي
وربنا يستر ويحمي مصر يارب.

قولوا آمين
يارب احمي واحفظ بلدي مصر
واخرجها من محنتها بسلام وامان
قولوا آمين