بوستر أبو الفتوح على سيارة زفاف العروسين
شرط أساسى من عروسة شابة أن
"عريسها يكون ثورى مش فلول"، وضد حكم العسكر وله مواقف ثابتة، والمهر دعمه لأبو الفتوح، وبوستر كبير لأبو الفتوح على سيارة الزفاف.

"عشان خاطر عيون العروسة، فعل أحد الشباب المقبلين على الزواج كل هذه الأوامر ليفاجأ المدعوون لحفل الزفاف بقيادته سيارة فخمة هو وعروسته عليها بوكية ورد ويلفها من الخلف ببوستر للمرشح الرئاسى الدكتور عبد المنعم أبوالفتوح ومكتوب عليه "اتجوزنا" وأمامها صورة شبكة العروسة، وأمامها كاب عسكرى فى إشارة لحكم العسكر، وفى النهاية كلمة هنتخب ومن تحتها صورة أبوالفتوح.

يعنى لو رايح تتجوز، وواحدة قالتلك شقة قولها ثورة، تقولك مهر قولها حرية تقولك أثاث قولها عدالة اجتماعية، ولو طلبت منك عربية قولها "يسقط حكم العسكر"، وعلق لها صورة المرشح الرئاسى اللى هى بتحبه.

وخلى بالك لتكون ثورى وأبوها فلول يبقى لازم "تظبط " العروسة الأول عشان ممكن الجوازة تفشل، وممكن تشوف مامتها اللى هتبقى حماتك مستقبلياً، هيكون لها تأثير على أبوها لو كان من الفلول، وحاول اللى هتخدهم معاك يكونوا على نفس طريقك يعنى مينفعش إنك تكون فلول أو ثورى واللى معاك عكسك تمام عشان أكيد بعد أول 10 دقائق من شرب الشاى البيت هيتقلب لساحة سياسية، وممكن يحصل تصادم بين اللى جايين معاك وبين أهلها
وأبوها يكرهك والجوازة متتمش يا جميل
يعنى من الآخر
يا نعيش عيشة فِل يا نموت ثوار إحنا الكل.

بارك الله فيك على الموضوع القيم والمميز

وفي انتظار جديدك الأروع والمميز

لك مني أجمل التحيات