يأتى عيد شم النسيم هذا العام والمصريون حالهم يتغنى بأشعار "صلاح جاهين"
التى يقول فيها:
"ياملونين البيض فى شم النسيم..
لون الحنين والشوق وخمر النديم..
ما تعرفوش سايق عليكو النبى..
تلونوا الأيام بلون النعيم..
عاد الربيع كأنه طعم الحب..
والحب نار جوة العروق بتصب..
أتمتع إزاي بيه وأنا متقطع..
من كتر خوفى لفى الخطيئة يطب..
طال انتظارى للربيع يرجع..
والجو يدفا والزهور تطلع..
عاد الربيع عارم عرموم شباب..
إيه اللى خلانى ابتديت افزع..
العشب طاطا للنسايم ونخ..
أخضر طرى مالهش فى الحسن أخ..
عصفور عبيط أنا..
غاوى بهجة وغنا..
ح انزل هنا..
وإنشالله يهبرنى فخ..
الدنيا من غير الربيع ميتة..
ورقة شجر ضعفانه ومفتفتة..
لا يا جدع غلطان تأمل وشوف..
زهر الشتا طالع فى عز الشتا..
دخل الربيع يضحك لقانى حزين..
نده الربيع على اسمى لم قلت مين..
حط الربيع أزهاره جنبى وراح..
وإيش تعمل الأزهار للميتين".