إحنا شعب و إنتوا شعب إلى كل من تلوثت أيديهم بدماء المصريين إلى كل عمل غير صالح أنجبته مصر من يشترون بآيات الله ثمنا قليلاً قال ربنا سبحانه و تعالى : { من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا } صدق الله العظيم فهل إتخذتم عند الله عهداً بغير ذلك أم لكم رب آخر.
غناء :علي الحجار كلمات : د: مدحت العدل ألحان:أحمد الحجار توزيع: محمد حمدي رؤوف مهندس الصوت:كريم سيد تصوير و إخراج:حاتم سيد
احنا شعب وانتوا شعب اللي هز القلب منا عمره ما هز ليكوا قلب رغم ان الرب واحد لينا رب وليكوا رب احنا شعب وانتوا شعب احنا عشاق الارادة والحقيقة واليقين وانتوا تجار المنابر النازلين الصاعدين فى المصالح والمناصب الآكلين الشاربين لما امريكا بتأمر تصرخوا بقولة امين احنا شعب وانتوا شعب احنا شايفين ان دينا دعوة للنور والحضارة وانتوا حاصرينه فى حكاية توب قصير او ستارة احنا شافين ابن سينا وابن رشد والحسين وانتوا شافين ابن لادن والكهوف المظلمين رغم ان الرب واحد لينا رب وليكوا رب احنا شعب وانتوا شعب احنا مصرى بسيط وراضى عسكرى جاى من النجوع يسمع الراديو الصغير والادان يملاه خشوع يبعث الليل للي خلقة يحمى عيلتة يزيد فى رزقة من دعاة تنزل دموع عند رب العالمين صدقة من غير فلسفة ودي العقيدة فى اى دين احنا شعب وانتوا شعب ولان مصر المؤمنة قبل التاريخ فى دمنا عمرنا ما ها نبقي زيك ولا انت ها تكون زينا لم غنمك او جمالك والعشيرة والخيام خد زعيقك خد صريخك خد فتاويك واللجام وابعد بعيد عن ارضنا لانكم ولأننا احنا شعب وانتوا شعب رغم ان الرب واحد لينا رب وليكوا رب احنا شعب وانتو شعب.