حاولي ما تلمسيش العلبة بإيدك لأنها هتبقى سخنة

حاجات بسيطة ممكن تغير شكل بيتك وبلمسات سحرية منك
هتخلي شكله أحلى علشان كده النهارده هنعرفك بعض الخطوات البسيطة
اللي ممكن تعملي بيها فواحة تزّين بيتك وتعطره.

الخامات المستخدمة:
علبة معدن (ممكن تستخدمي علبة صلصة فاضية)
- كوب رمل
- كوب ماء
- ورق شجر
- مسمار
- شاكوش
- سبراي ألوان
- شمعة معطرة.

الطريقة:
1- هاتي العلبة الفاضية بعد ما تغسليها وتنضفيها كويس

وحطي فيها الرمل والميه ودخليها الفريزر لحد ما تجمد.

2- خرجيها من الفريزر وحطي عليها من الخارج ورقة الشجر
وهاتي المسمار والشاكوش وابدئئ اخرمي على ورقة الشجر
(كما هو موضح بالصورة).

ملحوظة:
ممكن تعملي بالأخرام أي شكل إنتي تحبيه مثل الوردة أو وجه مبتسم.

ملحوظة:
الثلج المستخدم حيساعدك تتحكمي في ثبات المسمار وإنتي بتخرمي العلبة.

3- تخلصي من الثلج الموجود بالعلبة وابدئي رشيها بأي لون تحبيه
وسيبيها تنشف تماما.

4- حطي الشمعة المعطرة داخل العلبة وولعيها..
وبكده تكوني عملتي فواحة سهلة وجميلة من صنع إيديكي.
والآن اترككم مع الصور

فكرة حلوة ااوي

مشكورة عالموضوع حبيبتي

نورتي حبيبة قلبي.