dolly كبار الشخصيات
تاريخ التسجيل : 10/01/2011 عدد المساهمات : 1392 نقاط : 2237 الابراج : المزاج : لله الحمد من قبل و من بعد العمر : 44 تعاليق : عش ما شئت .. فانك ميت..
و احبب من شئت .. فانك مفارقه..
و اعمل ما شئت .. فانك مجازى به.. رسالة sms : دعاء : اوسمتي :
| موضوع: أين كنت فى يوم الغضب؟ الثلاثاء 25 يناير 2011, 10:28 pm | |
| أين كنت فى يوم الغضب؟
كنت فين؟
كنت ف البيت..
بأعمل ايه؟
ما بين النت و الجزيرة..
تانى الجزيرة؟ اه تانى و تالت و عاشر و العمر كله.. و بعدين ده مش موضوعنا دلوقتى..
اه صح.. طيب كنتى حاسة بايه و انتى مرتاحة ف بيتك و غيرك بيموت نفسه عشان يجيبلك حقك؟ كنت قلقانة .. بردانه .. خايفة .. لا كنت مرعوبه و جسمى كان كله بيتنفض..
الله؟ ده انتى بنى ادمة غريبة.. طب ليه ما شاركتيش.. فهمت .. يبقى مكانش عندكوا مظاهرات اكيد.. لالالالالالالالالالالالالالالالالالالالالالا..
بالعكس.. المنصورة كانت والعة..
امال خفتى تنزلى مثلا؟ ولا انتى مع الحزب اياه؟ لا مش موضوع كده..
امال موضوع ايه؟ الموضوع و ما فيه انى نفسي ف التغيير زى كل الناس..
بس مش كده..
انا مش من الناس الهاى اللى عمالة تاكل ف اته محلولة..
ولا اتولدت و ف بقى معلقة دهب.
انا كبرت و اتربيت ف الطبقة المتوسطة - بتاعة الموظفين - زى معظم الناس يعنى..
و زيى زى الكل لا فيه شغل ولا يحزنون..
بس الفكرة ايه اللى هاستفيده من مظاهرة زى دى؟
و الله العظيم دى حاجة غريبة .. انتى يا بنتى مش شوفتى تونس و اللى حصل فيها؟
مش يمكن نتحرر زيهم؟
ايه؟ نتحرر؟ و زيهم؟
ما هو ده مربط الفرس.. و ده قمة خوفى..
تونس فعلا قاموا بمظاهرات .. غاضبة فى البداية.. سرعان ما تحولت الى ثورة..
نجحت فى التخلص من ديكتاتور علمانى متسلط..
لكن فشلت فى اهم شئ للبلد..
فشلت ف اعادة الاستقرار..
فشلت فى الاتفاق على هدف او مطلب واحد لتونس ما بعد الثورة..
فشلت انها تتفق على حكومة معينة حتى الان..
فشلت حتى فى تحديد مين يرجع و مين ميرجعش للبلد..
كانوا زينا كده..
نغير..
بس من غير ما نفكر..
و ماذا بعد التغيير؟
مين اللى هييجى بعد كده؟
فيه قائد محدد للمظاهرات دى - اللى نفسكوا تبقى ثورات؟
اه فيه.. المعارضة هههههههههههههههههههههههههههه..
المعارضة دول كدابين زفة..
معظمهم منافقين.. بيعارضوا من تحت لتحت..
يا عم دول حتى ما اتفقوش على مكان للبرلمان اللى عملوه من نفوخهم و خلونا مسخرة العالم بيه..
مش مهم قائد.. المهم التغيير.. طب و بعدها؟ مين اللى يحكمنا؟ يوه كتير بقى..
عندك البرادعى.. ولا ايمن نور .. ولا حمدين صباحى ولا حتى المحامى اسمه ايه ده اللى رشح نفسه وودى ورقه للمجلس.. ههههههههههههههههههههههههه..
اسمه ايه ده؟ اسمه ايه طيب؟
اقولكوا الاحسن ايه؟
نجيب الملك عبد الله ملك السعودية .. ولا بلاش الا الناس هناك بدأت تعمل زينا و تولع ف روحها..
طيب نجيب السلطان قابوس .. ولا بلاش الا الناس اتظاهروا ضده من اسبوع لاول مرة ف تاربخهم..
طيب نجيب القذافى.. ولا بلاش الا الناس تقول ان اللى بيحكمنا مجنون..
طيب نجيب الملك عبد الله بتاع الاردن.. ولا بلاش ما اسخم من سيدى الا ستى..
طيب نجيب رئيس قطر .. ولا بلاش الا الناس تقول علينا خونة و اتباع..
طيب نجيب واحد من ال مكتوم .. ولا بلاش الا يخربوا اقتصادنا اكتر..
طيب نجيب واحد من ال صباح .. ولا بلاش ما المظاهرات طالتهم برضه..
بس..
وجدتها..
نجيب اكتر واحد بيخاف على شعبه و نفسه يجيب لهم حتة من السما..
مين؟
نتنياهو..
بلا خيبة ..
ده لسه امبارح كانوا بيتظاهروا هناك عشان البطالة..
و الله العظيم دى شعوب عجيبة ما يعلم بيها الا ربنا..
عشان كده انا باقول..
نفكر.. ونتروى.. لنتدبر..
و اكيد الفرج هيكون قريب ان شالله..
|
|
Dalal صاحبة المنتدى
تاريخ التسجيل : 08/01/2011 عدد المساهمات : 10987 نقاط : 24782 الابراج : المزاج : مهمومة ببلدي العمر : 67 تعاليق : ربّـــــي اغفر لـي ولوالـديّ
وارحمهما كمــا ربيـــــانـي
صـــغيرا واجزهمــــــــــــا
بالاحســان احســـــــــــــانا
وبالسيئات عفوا وغفـــرانا رسالة sms : الموقع : قلب أمي مصر دعاء : اوسمتي :
| موضوع: رد: أين كنت فى يوم الغضب؟ الأربعاء 26 يناير 2011, 8:46 am | |
| أين كنت فى يوم الغضب؟
انتي عندك حق يا دوللي في كل اللي قولتيه
فعلا احنا نفسنا جدا ان حال البلد يتغير للأحسن
لكن للأسف مافيش كوادر نقدر نعتمد عليها
أو نتخيل أنها ممكن تضيف جديد وتحس بملايين المطحونين
ليه بقي كده؟؟؟؟
لأن النظام مش بيدي فرصة لخلق جيل تاني من القادة
اللي ممكن نثق فيهم ونعتمد عليهم
الحكومة حاسة انها مخلدة للأبد طيب تعلم وتدرب ليه
مادام هي موجودة وقادرة تسد؟؟؟
حتي لو فكرتي مين اللي ممكن يعدل حال البلد مش حتلاقي
يا إما مالوش إهتمام بالموضوع من أصله..
يا إما خايف يعلن عن نفسه
وبالتالي إحنا مانعرفش عنه حاجة..
لا برنامج إصلاح..
ولامهارته وقدرته..
ولاإتجاهاته السياسية..
ولا أراؤه في جميع النواحي
وخصوصا سياسته الخارجية والاتفاقات الدولية
اللي قطمت وسط الشعب وعائدها كله لرجال الحزب
الدول العربية ماعندهاش ثقافة التغيير كل دورة او أتنين
بيقعدوا علي قلبنا للأبد..
مافيش مرشحين نبتدي نتعرف عليهم ونختار ونفاضل بينهم
هو حزب واحد..وحاكم واحد..والباقي دُمي في ايد السلطة
لو فيه تداول حقيقي للسلطة كنا حنلاقي كتير جدااااااااااااااا
نعرفهم ونقدرهم ونعتمد عليهم..زي ما هو موجود في لبنان
البلد العربي الوحيد اللي تعرفي عنه كل حاجة
احزابه وقادته ولكي حرية الأختيار
رغم انه بلد عربي مسيحي..
ولكن بيطبق القانون والدستور وحرية التعبير
أكثر بكثير من اي بلد عربي مسلم..
اللي حصل في مصر كان أمل كبير للملايين
لو كان الموضوع فعلا نجح كانت مصر حتتغير كتير قوي
علي الأقل كل ثرواتها المنهوبة حتظهر لصالح الشعب
مصر طول عمرها غنية..شوفي مواردها وانتي تعرفي
لكن كل ده بيروح فين؟؟
محتاجين ضمير قوي صاحي يحكمنا مش مجرد أسماء لامعة
ولا واحد غاوي فرقعة إعلامية وهو من جواه فاضي
ومع كل ذلك ومع كل اللي حصل..لسه عندي أمل.
|
|