طبعا مفيش ستوتة من الستوتات ايا كانت الا و بتحب دايما تغير لون شعرها
اما بحكم السن زى ما بنقول
او دلع شوية
او حتى على سبيل الاستهبال
و طبعا الكوافير و مراكز التجميل بتخلى اغنى راجل نفسه يحلق للمدام زلبطة
و ممكن يوصل بيه الامر بعد الدفع انه يقولها "اللون مش طالع عليكى .. معنتيش تصبغيه تانى بقى"
و تبدأ دوخة الواحدة و معاناتها مع عبوات الصبغة الجاهزة اللى بنجيبها من الصيدلية
و متلاقيش اى واحدة ظابطة معاكى زى ما بتبقى من البيوتى سنتر
انا بقى بعد رحلة طويلة مع الصبغات
و من خلال تجاربى الذاتية
هاقولكم دلوقتى ازاى تقدرى تطلعى الدرجة اللى انتى عاوزاها بسهولة زى ما هى موجودة على العلبة
كمان اسلم طريقة لتغميق الصبغة الفاتحة من غير ما تضر بشعرك
كله عن تجربة بجد
و حصرى للمنتدى
يعنى مش هتلاقيها فى اى مكان تانى

بداية كده

أءمن صبغة للشعر - عن تجربة - هى اللى بتبقى فى انبوبة معجون و بتعمليها بخلطها مع المحلول اللى بيبقى فى العبوة

و الافضل تجيبي الماركات المعروفة

بيبقى تمنها ما بين 30 - 35 جنيه

خدى بالك عشان ميحصلكيش احباط

الدرجة اللى هتجيبيها اذا كان شعرك غامق او مش مصبوغ قبل كده مش هتبقى زى اللى على العبوة

طيب اعمل ايه عشان تطلع نفس الدرجة؟

فيه حلين

الاول:-

تفتحى شعرك فى البداية ببودرة تفتيح

و دى بتجيبيها مع ازازة بلسم صغيرة من عند العطار

تخلطيهم و تشقرى شعرك

و بعدها بيومين استخدمى الصبغة اللى من الصيدلية

هتديكى نتايج مذهلة

الحل التانى:-

انا جربته بس عاوز حذر شوية

هتجيبي عبوتين من صبغة الصيدلية

و هتخلطى الاتنين فى نفس الوقت

و تستخدمى واحدة منهم

و تحطيها المدة اللى مكتوبة على العبوة او تزيدى عليها نص ساعة

و بعدها تغسلى شعرك كويس

و تسيبى التانية تخمر لمدة طويلة

بس خلى بالك متحطيهاش فى عبوة المحلول ولا فى عبوة مقفولة لانها ممكن تنفجر

خليها فى علبة مفتوحة

لمدة عشر ساعات تقريبا

و بعدين حطيها على شعرك هتلاقى النتيجة مذهلة بجد

بس تابعى شعرك عشان توقفى عند الدرجة اللى انتى عاوزاها

انا عن نفسي جربت الطريقتين

و الاتنين بجد نتايجهم روعة

الطريقة التانية

بس سبت عبوة الصبغة التانية تخمر من الساعة 12 ظهرا لحد 10 مساءا

و العبوتين كانوا كستنائى

ادانى الدرجة اللى على العبوة بالظبط

طيب فيه حاجة بقى

لو اللون طلع فاتح جدا

و كنت عاوزة اغمقه اعمل ايه؟

شوفى هتلاقى النصايح التقليدية

اللى هى الحنة او عبوات سحب اللون اللى بتيجى من الصيدلية

بس شوفى

الحنة بجد بتدى لون برتقالى مش مستحب

و مش ممكن هتصبغى عليها ابدا الا بعد ست شهور على الاقل على ما الشعر الجديد يطلع و ممكن تصبغيه

و عبوات سحب اللون خطر جدا و مدمرة للشعر

فاللى هتعمليه

تستنى تلات ايام بعد الصبغة

و بعدين تجيبى عبوة صبغة لونها غامق

و تحطيها على شعرك و تتابعى

لحد ما تجيبى الدرجة اللى انتى عاوزاها

حل تانى مدهش

اقلام الاى لاينر

روعة روعة روعة

مرريها على الشعر

اللون اللى انتى عاوزاه

الاسود و البنى مع اللون الفاتح

بيبقوا تحفة بجد

طريقة اءمن منها مش هتلاقى - لا صبغة تانى ولا سحب

و تغيرى اللون زى ما تحبى كل يومين تلاتة

و بمرور الوقت مع الزيوت و الشامبوهات

الشعر بيغمق لواحده تانى

يا رب تكونوا استفدتوا من تجربتى

و يا ريت اللى تجرب تعرفنا النتايج

تسلم ايديك على هالنصائح يا دوللي
ومجهود تشكري عليه يا قمر بجد هالنصائح
حتفيد كل البنات والستات
موضوعك مميز يا دوللي بانتظار المزيد من النصائح