التعليم فى عصرنا الحالى اصبح مهزلة كبرى..

اخرها - و ليس اخيرا - هو ما يعرف بملف الانجاز..

وهو بالفعل ملف لانجاز..

انجاز التدنى و التدهور لكل من الطالب وولى الامر..

فقد جعل هذا النظام من الطالب العوبة فى يد معظم المدرسين الجشعين الذين لا هم لهم سوى تحصيل اكبر عائد مادى و باى طريق كان..

فالعبقرى الذى اقر بأن هذا النظام سوف يقضى على الدروس الخصوصية اثبت قمة غبائه باتخاذ هذا القرار..

الذى لم يزد الطين الا مبلة..

فالمدرس الجشع اصبح هو المتحكم الرئيسي فى كل من الطالب و ولى الامر..

اصبح هو سيد الموقف ..

مجامل كلية للطالب المنتسب لديه فى مجموعاته من الدروس الخصوصية..

و ايضا لابناء العاملين بالادارة المدرسية او التعليمية..

و ايضا لمن يجامله من اولياء الامور..

كما انه اصبح المهدد للطالب "اللى مش هيعمل النشاط ده سنته سودة و مش منجحه و يبقى يقابلنى لو فلح - الكلام ده كان لبنتى اللى ف سنه اولى مع انها معندهاش نجاح ولا رسوب.. يعنى تهديد لله وبس"

كما ان الملف ادى لاستهانة معظم الطلاب بالتحصيل الحقيقي "و انا هاتعب قلبى ليه؟ انا اظبط نفسي مع الابلة و هى هتظبطنى برضه - حد فهم حاجة؟ اصل دى لغة ملف الانجاز"

اما بالنسبة لولى الامر..

فالملف بالفعل اصبح عبء ثقيل عليهم - ماديا او معنويا..

ماديا اما عن طريق الرضوخ لجشع المعلمين باختيار الطريق الاسهل باعطاء الابن درس خصوصى عند المعلم..

او بانفاق طائل على الانشطة التى يكلف بها الطالب..

سواء كان كراسات نشاط .. أو لوحات "جلد طبعا من النوع الفخم" - او حتى انشطة كمبيوتر "ليا سؤال معلش.. هى كل البيوت فيها كمبيوتر؟"

اما عن الجانب المعنوى.. فحدث ولا حرج..

معظم اولياء الامور بالفعل يقومون باداء الانشطة عن الابناء..

اما لكثرة ما يطالب التلميذ بادائه.. او لصعوبته..

معظم الاباء يصابوا بنوع من الاحباط..

بسبب شعورهم بالتمييز فى التقييم بين المتفوقين من ابنائهم و غيرهم من الطلاب "ما هو تبع الموووووووود بتاع المدرس بقى"

معظم اولياء الامور يشعرون بالمهانة ..

عندما يجد نفسه مضطرا لمراءاة المدرس بطريقة او بأخرى فى سبيل نيل الرضا السامى من هذا المدرس..

و بالتالى مراضاة الطالب..

" والله العظيم تلاته انا وصل بيا الامر انى عملت حلة محشى لمدرسة بنتى لما طلبتها من البنت كده عيني عينك .. اللى محزننى ان الطماطم كانت ب 10 جنيه و الكرنب ب 8 جنيه ولا الخضرة كمان اخخخخخخخخخخخخخخخخخخخخخخخ"


ثم ان ملف الانجاز العبقرى هذا ادى لاختفاء ما كان يسمى ب "شهادة درجات الشهر" اللى كانت بتعمل لنا حالة رعب وقت ما كننا بنوقعها من ولى الامر..

و طبعا ولى الامر بيكون فى غفلة عن مستوى الطالب الحقيقي

و بعد هذا كله..

نبحث عن اسباب انهيار العملية التعليمية؟

الاول بس نصحح المفاهيم و بعدين نبحث..

الملف ده مش ملف الانجااااااااااز..

ده ملف الافلااااااااااااااااااس..


او الاونجاز on gas

الله يعوض علي التعليم فى مصر ويعوض على خيبة التلاميذ عشان كده لى وجهة نظر ومش تحيز والله
التعليم الأزهرى أرقى وأسمى تعليم فى العالم باسره
لأننا مبنطبقش الكلام الفارغ ده فى المعاهد علاوة على أننى فى معهد كلنا مبنديش دروس خصوصية اضافة الى اننا كل يوم قبل الطابور بساعة بندى حصص تقوية مجانية لوجه الله ومش هقول عن مناقب التعليم الأزهرى فالأزهر يتحدث عن نفسه هذا على الرغم من أننى من أبناء التربية والتعليم ولست أزهريا ولكنها شهادة حق

سلمت على روعه طرحك
نترقب المزيد من جديدك الرائع
دمت ودام لنا روعه مواضيعك