غيابك حيل مشقيني وانسى واخلق الأعذار
أقول يمكن شغله الوقت والا في دنيته عـــــاني


اعد الوقت بغيابـــــــك وانا قلبي تولع نــــار
نــــار البعــــــــد والفرقى والأشــــواق تصلاني


وقلت اصبر وصرت اصبر في حب اللي علي جبار
مــــــدام القلب متولع حــــرام انه يحب ثـانـــــي


وعدت بي ليالي الشوق واذكر يوم كنا صغـــار
قطف لي وردة غرام وعطـّــرها واعطانــــــي


فرحت بوردتــــه وحطيتها بقلب الــــــــدار
ما دريت ان الـــــــعطر يذبح ورود خــــلاني


واذكر إنّا لعبنا في يوم وطاح من فوق الجدار
ضحكت وقلت تستاهل عشان تتوب من ثاني


براءة في طفولتنا وحلم في القلوب وصـــار
حقيقة يوم قلناها عرفهــــــا القاصي والــــــداني


وصرت الحين اكتب لك خواطر قلبي والأشعار
وصرت أتخيلك دايــــم بين داري وجــــــدراني


وعدى الـــــعمر يا الغالي و فينا لعبت الأقـــــــدار
وصارت لي جريمة حب فيها انا المذبــــوح والجاني


ذبحني هجرك وصدك وجنيت اني فهواك احتار
ومدري هو الغـــلا باقي والا الــــحـب عـــزّاني !!


وصرت أنادي طيوفك عسى ترحم بي الأقدار
ولكنـّه صــــــدى صوتي رد الصـــــوت وبكاني


حبيبي ذبلت الــــــــــوردة وفــــاح عطرها بالدار
بكيت وفــــــاحت معها جـــــروحي واحــــــزاني


وانا ما ابكي على جروحي وسبايب عشقي المنهار !!
ولكن حــــــز بالـــخاطــر بعد هـالحب تنســـانــي


وقمت أروح بافكاري ابي اعرف وش اللي صار ..؟
ولكني عجــــــزت افهم سبب بعدك وهجــــــــراني


عرفت ان القدر اقوى وعرفت ان الزمن غـــــدار
وعرفت ان الــــدنيا حظوظ وانا الحظ عــــــداني


ودعتك الله ومن قلبي ادعي الخـــــــــالق الغفار
عسى تتهنى في عمرك وعسى قلبك يحب ثاني


وانا خلني على ذكراي.. ذكرى يوم كنا صغار
ذكرى يوم قلت لي .. احبـــــك .. لو أطيح ثاني

كلام اكثر من رائع دام لنا قلمك المتميز

هبة الرحمن
سيدتي
حضورك المشرق
وردودك المميزه
دائما تنير متصفحي
و تزين حروفي
بعقد من لآلئك الثمينه
دائما بانتظار اشراقتك
فلا تحرمينا منها
دمت بحفظ الرحمن

ودعتك الله ومن قلبي ادعي الخـــــــــالق الغفار
عسى تتهنى في عمرك وعسى قلبك يحب ثاني


وانا خلني على ذكراي.. ذكرى يوم كنا صغار
ذكرى يوم قلت لي .. احبـــــك .. لو أطيح ثاني

منتهى الحب والإيثار ان تدعو لمحبوبك بالسعادة والهناء
رائع يا ابو حيدر كما عودتنا دائما
مبدع في احاسيسك ومشاعرك
لك كل ودي وتقديري