المنتديات و الفيس بوك اتملوا عن بكرة ابيهم بترشيحات المتصفحين لرئيس مصر الجديد..



اتفتحت صفحات كتير لناس كتير..



منهم المعروف للعامة – من منطلق تقلده لمناصب سياسية هامة الان او سابقا..



او لشعبية مكتسبة من انجازات علمية تقلد بسببها المرشح مناصب هامة بالخارج و حصد بسببها ايضا جوائز عالمية رفيعة جدا..



او لكونه سبق ترشحه لمنصب رئيس الجمهورية فى الانتخابات السابقة..





او لتعاطف اكتسبه البعض من تعرضه للظلم على يد النظام السابق – خاصة هؤلاء الذين حاولوا فتح ملفات فساد عدة و باءت محاولاتهم بالفشل..



او حتى لالتفاف العامة حول البعض لشعبية مكتسبة من عمل البعض فى مجال الدعوة الاسلامية..



و كمان هتلاقوا الهايف و اللى ملوش لازمه عاوز يرشح نفسه



من ضمن الاسماء سوف تجدون:-



السيد عمرو موسي



الدكتور احمد زويل – (على الرغم من انه من المحتمل الا يتمكن من الترشح اذا تمت الموافقة على التعديلات الدستورية )



الدكتور محمد البرادعى



المستشار طارق البشرى



الدكتور احمد الجويلي



الدكتور نبيل الاشعل



السيد حمدين صباحى



السيد منصور حسن



الدكتور ايمن نور



السيد اسامة الغزالى حرب



الدكتور كمال الجنزورى



الدكتور نعمان جمعة



الشيخ محمد حسان



الدكتور عمرو خالد



و اخيرا الملحن عمرو مصطفى



و احتمال عم سيد البقال اللى ف اخر شارعنا يكون مترشح هو كمان



يا ريت يا جماعة تتفاعلوا مع الموضوع و نطرح وجهة نظرنا و نقول "هندى صوتنا لمين؟

ابدأ بنفسي

انا هانتخب........



هانتخب........




هانتخب "كوكتيل"..



ايوة كوكتيل..




ريس مشكل يعنى..



نفسي ف ريس يكون فيه:-



*نزاهة الدكتور احمد الجويلى


*علم و سمو اخلاق الدكتور زويل


* صبر و حلم الدكتور البرادعى


* مكر و دهاء الدكتور الجنزورى


* حنكة و خبرة الدكتور عمرو موسي


* الدبلوماسية الحقيقية للدكتور نبيل الاشعل


* جلادة و صلابة الغزالى حرب


* القبول والادب الجم اللى عند الفريق احمد شفيق


* جرأة المستشار البشرى


* ما يفترض ان يتحلى به رجال الدين امثال الشيخ حسان و الدكتور عمرو خالد


*و يا سلام لو كان فى عمر حمدين صباحى


نفسي ف ريس يرجع لمصر هيبتها بالخارج..

و يحافظ على امننا بالداخل..

يكون نزيه و نظيف اليد..

يخدمنا بجد مش نكون خدم لحاشيته..

و ميكونش فيه اختلاف عليه وقت التصويت..

ريس يختاره على الاقل 85% من الشعب..

ميكونش ناجح بالعافية ب 51%..

ريس يفضل مخلى راسنا مرفوعة زى ما هى دلوقتى..




الاسماء المذكورة دى لا غبار على اغلبها..

لكن لكل كبواته – فالكمال لله وحده..


و اخيرا..

فيه دعاء جانى ع الموبايل بيلخص احلام المصريين:

"يارب إرزقنا رئيس عسول ..


يخلى اللحمة بسعر الفول..


ويدى لكل مواطن محمول ..


ويدى لكل فتاة عريس أمور ..


والوزير زي الغفير ميكونش متعالي ومغرور ..


وبلاش يضحكوا علينا ولا يلبسونا الطرطور ..


ويفضل شعبنا ديما منصور ..


ويخلص مدته ومن غير ثوره يغور.."

تصدقى و ربنا ليكي حق يا دودى..

انما هناخد اكبر مقلب فعلا لو اتغير - وده اكيد هيحصل اول ما يلبس البدلة و يخلع الجلابية اياها..

طبعا انا مقلتش صوت عمرو مصطفى لانى مش بالعاه..

انما لو كان عمرو دياب.. كان ممكن افكر.. :nice smile:

شوفى يا دودى تفكيرك عقلانى فعلا لاختيار عمرو موسي..

السن مش مشكلة بسبب الارتكاز لمبدأ الخبرة..

انما المشكلة ايه؟

ان عمرو موسي بره "ميه ميه" زى ما بنقول..

عشان كده القلق هيكون من اللى هيبقى جوة هنا (يعنى النائب و رئيس الوزراء اللى هيختارهم هما دول اللى هيحكمونا وقتها فعلا .. و المشكلة ان دول بقى مش بالانتخاب)..

اسامة الغزالى حرب تبع الجمعية الوطنية للتغيير..

يعنى لو الدكتور البرادعى مترشحش هو اللى هيكون ف الصورة..

و طبعا معروف المحيطين بيه من ليبراليين هما اللى هيمسكوا البلد و قتها..

هما مش بس ليبراليين.. لأ.. دول كمان رجل برة و رجل جوة..

فيتبقى الدكتور الجويلي من الاسماء اللى ذكرتيها هو الاقرب بالفعل..

و لكن وقتها سيحتاج لوزير خارجية على كفاءة عالية جدا..

كمان جزئية الاحزاب دى اللى هو ملوش فيها حتى الان غامضة بالنسبة للوضع فيما بعد..

عرفتى ليه بقى يا دودى انا اخترت التفصيل؟

لاننا هنختار حزب جديد يحكمنا.. مش بس هنختار رئيس..

يعنى باختصار .. لان "المقاس ف الجاهز " مش موجود للاسف - حتى الان..

فباحاول اخليه ع الاقل "تحت الطلب"..