من اعماق جرح قلبى بقولك يا مصر انا اسفة

اسفة على كل نقطة دم نزفت من ابنائك

اسفة على كل تخريب حصل فى منشأتك

اسفة على مظهرك الحضارى بين رفقائك

اسفة على ترويع الآمنين تحت سماءك

اسفة على اهدار و تحطيم اقتصادك

اسفة اننا من غير قصد شمتنا فيكى اعدائك

اسفة ياحبيتى يا امى يا عروسة الدنيا كلها وام الدنيا كلها

مكناش نعرف اننا بنحبك اوى كده

يارب احميها وعليها واحفظها واحرسها

متزعليش يا مصر يا أمي متزعليش

حتفضل رايتك مرفوعة ان شاء الله

يــــــــا مصـــــــــــــــــــــــــــــــــــــــريـــــــيـــــــن

اصحوا بلدكم بتضيع اصحوا وفوقوا !!!!!

سامحينى يامصر.

انا اسفة انى باقول الكلام ده

بس انا معنتش حاسة ان دىمصر

مصر اللى اتغربت و بعدت عنها وكنت هاموت و ارجع لها تانى

و يوم ما نزلت بوست تراب المطار و فضلت انى ابعد عن اقرب انسان ليا عشان محسش بالغربة ومرارها تانى

و عشان انمى حب الوطن جوا بناتى

انا للاسف حاسة بغربة افظع م اللى كنت حساها برا

لا دى بلدى ولا دول ناسها

ولا فيه امل ف بكرة احلى

ده من سئ لاسوأ

و بدا تفكيرى و الله يتغير

غربة بغربة اسافر تانى احسن

ع الاقل هاعرف اعيش من غير قلق على بكرة هاعرف اخرج من بيتى ولا لا؟