اثارت السيدة عواطف ام اشرف التى تعرضت للصفع على وجهها
من احد عناصر الاخوان امام اكاديمية الشرطة شجون معظم المصريين
و اعطت الجميع درسا فى الوطنية و الزهد رغم ظروفها الصعبة
مما دعا رجل الأعمال أشرف السعد الى تحفيز المصريين الي التقشف
و ابرز في هذا الاطار ان المرأة المصرية مهما كانت فقيرة ،بل و معدمة
فإنها لن تبيع كرامتها او تنتظر احسانا من احد
وستضحى حتى بالاحتياجات الرئيسية و الملحّة لأى انسان
حتى يتحقق لها العدل و الاطمئنان فى ظل قائد مصري حقيقي
من تراب هذا الوطن .



جة يوم المحاكمة يوم 4/11 يوم عيد الحب
والحمد لله مر اليوم بسلام وامان وكان يوم جميل جداا
وشوفنا قوة الحشد الهائلة التى ظهرت عند جميع الاخوان
فى جميع انحاء الجمهوريه ملايين
تضرب ملالالايين 30 يونيو وتقولهم ياانقلابين
المحاكمة كانت عند اكاديمية الشرطة راحت ست بسيطة
اسمها الحاجة عواطف شايلة صورة السيسى
قصاد صوابع رابعة حقها تعبر عن رأيها
رغم فقرها المدقع الست عايشة فى اوضة مع 5 افراد من عيلتها
وبتاكل اجنحة وارجل الفراخ والبطاطس ام 6ج غاليه عليها ..
حقها تفضل تحب وطنها رغم عيشتها الصعبة حقها تفتخر بجيشها
بس مش من حقك يااخ ياللى رفعت صوابعك
فى وش واحدة يمكن تكون قد والدتك
انك تضربها بالقلم على وشها كده



الست عواطف ام اشرف استضافها احمد موسى
وقالت كلام كل مصرى بجد .. مصري حتى النخاع
الست دى بتصلى ومختمرة وعارفة ربنا وعارفة قرأن
وبتؤيد السيسى وقالت للى مش فاهم بمنتهى الوعى

الحاجة عواطف ام اشرف
اللى بتاكل ارجل واجنجة الفراخ بوطنيتها هزت عرش مصر .

هى دى الست اللى ابكت كل المصريين اللى بجد
بكلامها وحبها لبلدها ودفاعها عن جيش وشعب مصر بمنتهى العفوية

هى دى الست اللى بتصوم خميس وجمعة وبتفطر بالمية
وبتستلف 2 جنية علشان تنزل مظاهرات

هى دى الست اللى انتقدت الحكومة والبرادعى
وكل شيىء غلط في البلد بس بحب واحترام

هي اللى اتحدت الكيان الصهيونى وامريكا وتركيا وقطر
وفضحت مخططهم بكل عفوية وتلقائية

هى دى الست اللى وصفت حال مصر بمنتهى البساطة
وعلمت كتير من الناس معنى الوطنية وحب البلد

هى دى الست اللى خلت مجدى الجلاد يقول
ان شبشب ام اشرف احسن من كل اللى فالحكومة

هى دى الست اللى نزلت واستحملت الضرب والاهانة امام الاتحادية
وامام اكاديمية الشرطة وهى مستلفة تمن المواصلات

هى دى الست اللى رفعت راس مصر لما وحدت شبابها وستاتها
على قلبها وحزنآ على اللى جرالها

هى دى الست اللى ساكنة هى ومرات ابنها واولاده التلاتة
فى غرفة فى شبرا الخيمة وعليها 3 شهور ايجار

هى دى الست اللى اتحدت كل الاخوان
بفلوسهم ومليشياتهم وغدرهم وارهابهم

هى دى الست اللى ابكت كل من شاهدها
لما قالت اه وطنى ودينى وماليش غيرهم

هى دى الست اللى متدينة بالفطرة ومحدش محفظها
واللى ثقافتها نابعة من القرأن وعادات وتقاليد الصعيد

هى دى الست المصرية الاصلية اللى نزلت الثورة
واللى انتخبت مرسى وافتكرته هيخدم بلدها ودينها
وفى الاخر فهمت زى باقى الملايين ما فهموا
ان لا شريعه ولا إسلام ولاشئ
ده كرسى وحكم وتغيير هوية وانتماء بلد

هى دى ام المصريين هى دى مصر

هى دى اللى بكت بصدق وابكتنا
لما عرفت انها هيتعمل لها عمرة من واحد اصيل من شعب مصر

وده كلامها
دى مصر بتاعتنا اللى نزل الملالالايين فى 30 يونيو وقالوا لمرسى كفايه ..
مرسى كان كابوس وانتهى
بدأ مرحلته بدأ ازرار جاكته فى التحرير
وانتها بغلق زر جاكته فى الاكاديميه

مرسى قال فى المحكمة انا الرئيس الشرعى
وفى نفس الوقت يسقط حكم العسكر
و كيف يكون لك شرعية وانت تعترف بحكم اخر للبلاد ..
وكيف تعترف ان ملايين نزلت ضدك وتنكر قولك
لو نزل 10 ضدى اتنحى وقلته على الملاء مع خيرى رمضان ؟؟
وكيف تطلب مـأكل ومشرب وتلفزيون
اعندك القدرة النفسيه على الاكل والمشاهدة !

لما لم يذكر مرسى اسم السيسى طيله الحوار المسرب
وظل يقول القائد الاعلى للقوات المسلحة ؟
هل السيسى شكل عقدة له كما هو عقدة للكثيرون ؟؟

ياجماعة مصر رجعت للمصريين...ومش هنسيبها ومعلومة على الهامش
مجدى الجلاد : بنسبه 90 % الفريق السيسى سيرشح نفسه للرئاسة

وابشركم بنسبه 95 % الفريق السيسى هو رئيس مصر القادم
على الاقل الفترة القادمة ان شاء الله
شاء من شاء وابى من ابى
وبكرة تشوفوا مصر ام الدنيا اللى هتبقى اد الدنيا.


المهندس شحاتة محمد شحاتة :
الحاجة عواطف أبهرتنا وعجينة مصرية خالصة بثقافتها .



و كأن الحاج اشرف السعد ينقل عن الحاجة عواطف ام اشرف
التى تعرضت للصفع على وجهها من احد مؤيدي مرسي امس الاول
اثناء محاكمته امام اكاديمية الشرطة
فكتب عنها و عن معاناتها و تهديدات المغرضين لكل ابناء مصر
فكتب عدة تغريدات على حسابه بموقع تويتر منها :-  
الجزيرة : السيسي هايجوعك يامصر !
مصر : هاكل رجول فراخ معاه وهاتبقى شهد
الجزيرة: مش هاتعرفى تدفعى ايجار الغرفة !
مصر:هاستلف اتين جنيه من جارتى..

و اضاف السعد فى تغريدة ثانية قال السعد :
الحاجة عواطف ام اشرف قعّدت العالم كله متْسَمّر امام الشاشة
الحاجة عواطف = مصر .. بـحبك يامصر

و فى تغريدة اخرى كتب الحاج اشرف السعد :
 " مصرتنادى ع َ السيسي"
هاصوم واربط على بطنى  واستلف من جارتى
وافطر على رجول فراخ  او حتة جبنة قريشة
وهابطل اركب مواصلات وامشي واقف فى الطابور بس عايزاك انت يابن بطنى.


(ملحوظة)
كنت اتمنى يا حاجة عواطف لو كنت أقدر اشوفك
كنت بوست راسك وايديكي يا طيبة يا صابرة
يا ام اشرف ...وأم كل المصريين.