Dalal صاحبة المنتدى
تاريخ التسجيل : 08/01/2011 عدد المساهمات : 10987 نقاط : 24782 الابراج : المزاج : مهمومة ببلدي العمر : 68 تعاليق : ربّـــــي اغفر لـي ولوالـديّ
وارحمهما كمــا ربيـــــانـي
صـــغيرا واجزهمــــــــــــا
بالاحســان احســـــــــــــانا
وبالسيئات عفوا وغفـــرانا رسالة sms : الموقع : قلب أمي مصر دعاء : اوسمتي :
| موضوع: العروسة عايزة تخلع!! الخميس 04 أغسطس 2011, 12:06 am | |
| العروسة عايزة تخلع!! العروسة عايزة تخلع!! طبعًا المفروض إن الرجل هو اللي بيهرب بجلده من الزواج
و إن عزوف الشباب عن الزواج هو سبب الأزمة الكبيرة
اللي إحنا فيها كدبة كبيرة !!
فضلوا يقنعوني بالكلام ده لحد ما صدقته، بجد صدقته و عشته
و قعدت أحلم بالقفص اللي حاصطاد فيه فارس أحلامي و الطرق
الكتير اللي حاستخدمها عشان أقنعه بالزواج مني و اليوم
اللي الفارس دخل القفص قفلته عليه و طلعت أجري !
الحقيقة اللي ميعرفهاش أي رجل فاكر إن البنت بتحاول
تصطاده "عريس"؛ إن البنت فعلا بتفضل تجرجر فيه لحد
ما يشرب الشاي و ياكل الكيك، و فجأة تبدأ في التردد.
هو ماله تخن كدة؟ بيضحك علي ايه ده؟
باين عليه عينيه زايغة
لا ده خام زيادة عن اللزوم
أنا زهقت هو ليه لازقلي كدة يا ساتر
بس بصراحة بقي الحقيقة اللي مبتقدرش تعترف بيها
العروسة في ساعتها "أنا فعلا مش جاهزة للزواج"!
كل ما اسأل حد يقوللي ده طبيعي و ده بيبقي تردد فكرة "الابدية"،
طيب و لما هو طبيعي ليه دايمًا ظالمين جنس الرجالة معانا
و طالعين نازلين نقول هم اللي بيتهربوا من العش السعيد؟
و قاتلين روحنا ليه عشان نتجوز لما إحنا مش متأكدين
من رغبتنا الأول؟
سر كبير اكتشفته إن أغلب المشاكل بين العريس و العروسة
قبل الفرح بكام يوم بيكون وراها العروسة .. دي حقيقة، طيب
أكيد حد لاحظ إن العروسة فجأة بتبقي بدون أي سبب عصبية
و لما حد يسألها عن السبب دايمًا الاجابة بتبقي مفيش حاجة خلصت
و الفرح مش فاضل عليه حاجة، ورايا ميت حاجة إعذروني يا جماعة
بس اللي محدش بياخد باله منه إن بيبقي فاضل تفاصيل رفيعة
و غالبًا مبتبقاش هي اللي حتعملها، اللي بيبقي متدبس فيها الست
الوالدة و أخواتها الحلوين و يمكن إتنين تلاتة غلابة من صاحباتها
ده غير طبعًا إن فجأة بتغير كلامها، يبقوا متفقين علي إنهم ميخلفوش
إلا بعد سنة أو سنتين و تيجي قبل الفرح مباشرة تقول لا أنا
عايزة أخلف في الأول، طيب يا ستي و إتفاقنا
لا يا حبيبي لحسته القطة!!
المصوراتي ده مش عاجبني أختي هي اللي لازم تركب
العربية معايا الفستان واسع و هلم جرجر.
للأسف عروستنا الحلوة بيبقي عندها أمل واحد في المليون
إن عريس الغفلة يتخنق منها و يطفش و تبقي جت من عنده
ما هو ميصحش أبدًا تبقي جريت وراه بالمشوار و تيجي
فجأة تقول مش عايزة أتجوز
وعلي الرغم من "عزوف الشباب عن الزواج" و رغبته في
الاحتفاظ بلقب "عازب" علي عكس من عروسته اللي هدفها
التخلص من لقب "عانس" إلا إن عريسنا الهمام بيبقي
عامل زي اللزقة بغراء، و بيُقدم علي الزواج بخطي ثابتة
و بثقة منقطعة النظير و بيتمم الجوازة و بتبوء خطة
العروسة في الخليعة بالفشل الذريع !!
|
|
mima لعضو لامع
تاريخ التسجيل : 13/04/2011 عدد المساهمات : 600 نقاط : 701 الابراج : المزاج : متفائلة العمر : 42 رسالة sms : دعاء : اوسمتي :
| موضوع: رد: العروسة عايزة تخلع!! الأربعاء 28 سبتمبر 2011, 4:27 pm | |
| |
|