Dalal صاحبة المنتدى
تاريخ التسجيل : 08/01/2011 عدد المساهمات : 10987 نقاط : 24782 الابراج : المزاج : مهمومة ببلدي العمر : 68 تعاليق : ربّـــــي اغفر لـي ولوالـديّ
وارحمهما كمــا ربيـــــانـي
صـــغيرا واجزهمــــــــــــا
بالاحســان احســـــــــــــانا
وبالسيئات عفوا وغفـــرانا رسالة sms : الموقع : قلب أمي مصر دعاء : اوسمتي :
| موضوع: "كترت يا مصر ف حبّك الأكفان" السبت 17 نوفمبر 2012, 5:15 pm | |
| "كترت يا مصر ف حبّك الأكفان" فى المدرسة فى الماتش فى التحرير على القضبان كِترت يا مصر ف حبك الأكفان
******
انتو احتلال واللا انتو جيش إهمال واللا انتو آخر توابع كارثة الزلزال موعوده يا ام الهرم والنيل بحسّادك وعيون ولادك تملّى ف آخر الإرسال
****** نقطه وقصيده فـ عريضه ومن بداية السطر والشطر لازم يا شاعر يمتزج بالشطر قولوا لسليلة الهزايم بنت ورد النيل روح النبيل زلزلت روحى ف قضيب القطر
******
يا مصر خيرك لناسك واللا للمعاتيه خيرك لنبت التراب واللا لسعادة البيه يا ام الضفاير مصاير للى عاش بركان بتبوسى ورد الجناين واللا بتضمّيه؟
****** فى المدرسه فى الماتش فى التحرير على القضبان كِترت يا مصر ف حبك الأكفان
****** ما اعرفش قاعد باهيّس واللا أنا اتجنيت واللا انتى سايبانى اهرتل زىّ أىّ عبيط بتبوسى خدّى بعَشَم وبترسمينى نهار وبتحكميلى الحصار مع أوّل الحواديت
****** يا واهمه روحى إنى شاعر وإن طينك شعر الدمّ فيكى ببلاش واللا إحنا مالناش سعر؟
****** القطر داس على جتتى اتهزيت ورقصت جنبك وانحنيت وبكيت القطر داس على جتّة الشارع حسّيت بموتك قمت واتوضّيت
****** عيّل وعيّل وعيّل يبقوا ست عيال الموت يا مصر اتولد على سكّتك بشْوال طالعين نحيّى العلم ... راجعين كفن متشال يا ورد طارح عدم ... ريحة العدم بريال عيّل وعيّل وعيّل يبقوا ست عيال وشّ القصيده اتعجن ... جسم القصيده هزال صوت القصيده المخالف كتفّه الأندال والموت يا مصر اتولد على سكّتك بشْوال
****** قلبك ما عدّاش عليّا يغزّنى ويتهزّ قلبى المعذّب وقف يلعن أبوكى الفذّ ويسبّ غيط العنب وبنات بيوت العزّ قلبك رسملى الوطن ورده وقصيده ودار شفت انهيار الوطن قلبى المناضل فذّ ولقيتنى باكتب لروحك... أحلى كلمة طُظ
****** فى المدرسه فى الماتش فى التحرير على القضبان كِترت يا مصر ف حبك الأكفان
****************
"كترت يا مصر ف حبّك الأكفان" قصيدة لـ "سعيد حامد شحاتة" |
|
GeeGee كبار الشخصيات
تاريخ التسجيل : 11/10/2012 عدد المساهمات : 70 نقاط : 128 الابراج : العمر : 33 رسالة sms : دعاء : اوسمتي :
| موضوع: رد: "كترت يا مصر ف حبّك الأكفان" الأحد 18 نوفمبر 2012, 10:02 pm | |
| "كترت يا مصر ف حبّك الأكفان"
مسائكم /صباحكم ...مفعم بعبير الورد الجوري كم يسعدني ويشرفني ان اضع بصمتي على صفحاتكم التي تزهو بالجمال والروعه
فلقد توعدت منكم على كل ماهو ممتع ومفيد ومميز دمتم مبديعن مضيئين سماء منتدانا الغالي بانتظار كل ما هو جديد ومميز الى ذلك الوقت تقبلو مني اجمل وارق التحايا GeeGee
|
|
علا محمد كبار الشخصيات
تاريخ التسجيل : 08/01/2011 عدد المساهمات : 3449 نقاط : 5892 الابراج : المزاج : قلقانة العمر : 52 تعاليق : إن مرت الايام ولم تروني فهذه مشاركاتي فـتذكرونى وان غبت ولم تجدوني أكون وقتها بحاجة للدعاء فادعــــولي رسالة sms : الموقع : https://ta3m-elbyoot.forum.st/forum دعاء : اوسمتي :
| موضوع: رد: "كترت يا مصر ف حبّك الأكفان" الأحد 18 نوفمبر 2012, 11:28 pm | |
| "كترت يا مصر ف حبّك الأكفان" انا لله وانا اليه راجعين
ادعو بالرحمة للاطفال والصبر لامهاتهم وادعو لمصر بصلاح الحال |
|