عاوزين رئيسنا زعيم

كنا عاوزين رئيس خادم مايكونش يوم مخدوم..
عارفينه ونعاهده ويكون لنا معلوم..
حاضن ميزان «العدالة» كرامته شريانه..
النيل يمسى عليه عاشق لأوطانه..
نفسى رئيس البلاد يشعر فى يوم بيتيم..
شعبى وابن حلال فى الطبع حر كريم..
وسماحة الإسلام وردة على جبينه..
والغيرة والإبداع وربنا يعينه..

يمشى مع الجماهير ولا أمن ولا حراس..
مش كل قرية يزورها يدقوا ميت متراس!
يقتص للمظلوم سهران مابينمشى..
بالظلم تهوى السفينة بعدلها تمشى..
برنامجه فيه معجزة هتحل مشاكلنا..
وكلنا حواليه يكفلنا ما يأكلنا!

عبدالناصر الكومى