لسه الثورة في إيد الشعب
لما حاميها يكون حراميها..
ونازل يضرب شعبها ضرب
وخيرها يكون لولاد أعاديها..
ويحرم منه ولاد الشعب
يبقى الثورة لازم تلاقيها..
في كل مكان من شرق لغرب
............................
قالوا الثورة إزاي نجازيها..
ونعيّش ناسها الوضع الصعب؟
في الصبح نقوله برافو عليها..
وفي آخر اليوم ضرب وسب
وحقوق الشهدا نتاجر فيها..
والمجرم يفضل هو التوب
............................
يبقى حاميها حبيب حراميها..
ونطلب منه يجيب الكلب!
شهدا وجرحى مين يداويها؟..
وفشرم يكون مستشفى القلب
............................
آدي حاميها وبدون حراميها..
لسه في شعبها نازل ضرب
زي ما شيلنا زمان حراميها..
هنحط حاميها على نفس الدرب