dolly كبار الشخصيات
تاريخ التسجيل : 10/01/2011 عدد المساهمات : 1392 نقاط : 2237 الابراج : المزاج : لله الحمد من قبل و من بعد العمر : 44 تعاليق : عش ما شئت .. فانك ميت..
و احبب من شئت .. فانك مفارقه..
و اعمل ما شئت .. فانك مجازى به.. رسالة sms : دعاء : اوسمتي :
| موضوع: مصر ام الوشوش الأربعاء 13 أبريل 2011, 10:54 am | |
| مصر ام الوشوش
زمان و احنا صغيرين
درسنا ف كتب التاريخ ان مصر مقسمة لقسمين
الوجه البحرى
و الوجه القبلى
دار الزمان و لف
و اتغيرت الاحوال
و ممكن نلاقى تقسيم جديد لمصر بس المرة دى مصر سابت الوجهين
و اتنقلت لتعرض ألف وش
اولهم الوش الجبس
وده تلاقيه ف ميدان التحرير
والوش ده جاهز على طول
كل ما حد يفتح فمه ليقول اى شئ
تلاقى الوش ده و العياذ بالله طالعلك كده من غير لزوم
مطبقين مقولة "خلقت لاعترض"
على كل حاجة و اى حاجة ومن اى حد كان
و اللهم صلى ع النبى كده جاهزين و متجهزين
من غيارات لبطاطين لوجبات لخيام
ومن الابرة للصاروخ هتلاقى معاهم
و تانيهم وش بلاستيك
و ده تلاقيه عند جامع الدكتور مصطفى محمود
و الناس بقى بتوع الوش دول مستفزين
مش قادرين يفهموا انه خلاص
الحدوتة انتهت
و مساعيهم ممنهاش اى فايدة دلوقتى
غير انها هتثير الشكوك اكتر
و طبعا كالعادة
لازم الوشوش تتلاقى
و تحصل العركة المعتادة ما بين دول و دوكهم
و تلاقى بقى وش تالت ظهر لك – كالعادة برضه
وش محير و غامض و مبهم
وش بستين ألف وش
بيتلون مع مود الناس
يعنى
شوية يبانلك بمطوتين ع الجنبين
و شوية يبان لك بدقن و نقاب
و شوية يتخفى ورا صليب
و شوية ينزل على نصه غترة و عقال
و اخيرا ظهر لنا تحت كاب ميرى للجيش
و ده طبعا اخطر وش
و ف وسط ده كله تلقى الجيش يا ولداه محتاس
لا مسايسة ولا محايلة ولا شدة ولا ترهيب نافعين
برضه ف الاخر متهمين
اما اخر وش
فهو وش الناس اللى زيى و زيك
اللى ماشيين جنب الحيط
قاعدين نتفرج و خايفين
وابتدينا نحس انها بلد تانية
مش بلدنا
و دول مش أهلنا ولا ناسنا
و محتارين و مش عارفين
مصر بلدنا رايحة بينا على فين؟
|
|
Dalal صاحبة المنتدى
تاريخ التسجيل : 08/01/2011 عدد المساهمات : 10987 نقاط : 24782 الابراج : المزاج : مهمومة ببلدي العمر : 68 تعاليق : ربّـــــي اغفر لـي ولوالـديّ
وارحمهما كمــا ربيـــــانـي
صـــغيرا واجزهمــــــــــــا
بالاحســان احســـــــــــــانا
وبالسيئات عفوا وغفـــرانا رسالة sms : الموقع : قلب أمي مصر دعاء : اوسمتي :
| موضوع: رد: مصر ام الوشوش الأربعاء 13 أبريل 2011, 11:30 pm | |
| مصر ام الوشوش ربنا يستر يا دوللي
والله انا كمان متخوفة زيك بالظبط
( مصر رايحة علي فين )
ربنا يستر حبيبتي
خصوصا ان فيه لحد دلوقتي ناس مش عاجبها العجب
ماشيين عكس عكاس
تقوله حاضر..يقولك لأ
تقوله خلاص.. يقولك لأ لسه لينا مطالب
دول اللي يخوفوا بجد معترضين لمجرد الإعتراض
مش عشان مبدأ لكن عشان يظهروا في الصورة
ماهو بقي مهرجان للجميع
ونسيوا مصر ومطالبها في الوقت الحرج ده
ربنا يهديهم بقي
حأقول ايه؟
|
|