يا شبابنا يا شباب الثورة انتم ليه خايفين من بكرة
خطوة بخطوة هنبنى الفكرة قبل ما يصبح يومكم ذكرى
يا بلادى فى طريقك امشى  ليه عليكى احنا ما نصبرشى
شوية صبر الدنيا بخيرها  واللى عند الله ما بيضعشى
شرطة وجيش دول ناس اهالينا إيد واحدة ربنا يحمينا
من كل فتنة تأذينا  مصر بلدنا دى غالية علينا
صحبة خير والحق اهو ماشى ليه بالنصح احنا ما نرضاشى
قولوا يا رب الخير هايجلنا من غيره قلوبنا ما تصفاشى
الأخلاق والحق سلاحنا  وقلوبنا ماليانة بالرحمة
صدق امانة مبادىء عالية وعليها هتقوم حضارتنا
ده حماسنا وإصرارنا مالينا وبالفرقة هتوه خطاوينا
إيد على إيد نبنى المستقبل  وندعى ربنا يرضى علينا
ده حماسنا مش وحده كفاية حب بلدنا فى قلبنا غاية
مش عايزين تغرق المركب لكن مين يستلم الراية ؟
ترشيحك للإسم امانة لا وساطة ولا حتى قرابة
مش عارفين ؟ نسأل علمائنا نعدى لبكرة بألف سلامة.