علا محمد
كبار الشخصيات
تاريخ التسجيل : 08/01/2011
عدد المساهمات : 3449
نقاط : 5892
الابراج : 
المزاج : قلقانة
العمر : 52
تعاليق : إن مرت الايام ولم تروني فهذه مشاركاتي فـتذكرونى وان غبت ولم تجدوني أكون وقتها بحاجة للدعاء فادعــــولي
رسالة sms :
الموقع : https://ta3m-elbyoot.forum.st/forum
دعاء : 
 اوسمتي :
 |  موضوع: إيــه رأيـك نتجوز دلوقــتى.. ولما نتخرج نعلن جوازنه  الجمعة 03 يونيو 2011, 4:20 am | |
| إيــه رأيـك نتجوز دلوقــتى.. ولما نتخرج نعلن جوازنه
بسم الله .......
إيــه رأيـك نتجوز دلوقــتى.. ولما نتخرج نعلن جوازنه
ابـــدأ ع طــول
فاطمة بنت ناس
يعنى أيه
يعنى ناس كويسين
برضه يعنى أيه
يعنى ناس بيعرفوا يربوا بناتهم
وماله
فيه كتير زى فاطمة وكتير زى الناس دول
عادى وطبيعى
فاطمة عيب ماتكلميش ولاد.................حاضر
فاطمة عيب ماتروحيش لصاحبتك هى اللى
تجيلك....................حاضر
فاطمة بلاش تلبسى كدة وألبسى كدة ...................... حاضر
فاطمة عيب ....... فاطمة حرام .......... فاطمة مايصحش
و فاطمة بتسمع الكلام
فاطمة فضلت طول عمرها بتسمع الكلام
مقتنعة...؟؟؟
ممكن
مجبورة...؟؟؟
أكيد
فاطمة حلوة وشها حلو وتقاطيعها مسمسة
وجسمها خرطه خراط البنات
فاطمة بنت مرغوبة..........
عرسان أتقدموا من سن 15 سنة
لكن أبوها عايز يعلمها
فاطمة شاطرة فى الدراسة ومتفوقة
بسم الله ماشاء الله ..........أدب وعلم وحلاوة
فاطمة دخلت الجامعة
كلية أيه ما يفرقش معانا
فاطمة رايحة الجامعة ........... فاطمة راجعة من الجامعة
أول سنة امتياز ...... 
وأول سنة أحمد فى السكة ظهر لها وحبها
فاطمة اتلخبطت
سمعت فى ودنها امها بتقولها لما جت تدخل الجامعة .
فاطمة انتى رايحة الجامعة تتعلمى مش تتجوزى
لو على الجواز يابنتى كان زمانك معاكى عيال .....
أحنا عايزنك جامعية محترمة
ماتكلميش ولاد .... ولا حد تسيبيه يكلمك .....
لا يقولك كشكولك ولا يقولك أعزمك ولا اوصلك....أوعى يابنتى
فاطمة الأول سمعت الكلام وعقلته.....ومارضيتش تكلم أحمد
بس أحمد ولد شاطر..........
شعره عامله على الموضة ولبسه شيك وعنده عربية
وبيعرف يتكلم حلو
بيعرف يرص الكلام ولا أجدع مهندس بيرص عواميد عمارة
احمد فضل ورا فاطمة لغاية ما كلمته
وفضل وراها لغاية ما أديته ريق حلو
وفضل وراها لما أقنعها انه بيتغير علشانها
وبيحضر المحاضرات علشانها
وح ينجح السنة دى علشانها
أحمد بيحب فاطمة
و فاطمة مش عارفة هى بتحبه ولا بتحب حبه
محدش قال ل فاطمة اللى قاله أحمد
وهتسمعه فين ماهى طول عمرها ماكلمتش حد غريب
الأجازة جت وفاطمة فى البيت .......
بتساعد مامتها وبتتفرج على التلفزيون وبتقرى و .............
بتكلم أحمد على التليفون والنت
السنة التانية جت وفاطمة من اوائل الدفعة لكن أحمد يادوب نجح بمادة
أحمد فهم فاطمة أنه نجح علشانها والسنة الجاية هينجح بتفوق
فاطمة أبتدى قلبها العبيط يتحرك ناحية أحمد و ............. بتحبه
أحمد عرف يلعب عليها لعبة الحب وقدر يقنعها بأنه يتجوزها
طيب روح لبابا يا أحمد
ماأقدرش دلوقتى لأنى مش جاهز
طيب وانا أعمل أيه
نتجوز دلوقتى مع بعض ولما نتخرج نعلن جوازنا
عايزنى أتجوز فى السر
وماله يافاطمة نتجوز احسن ماحد ياخدك منى
لا يا أحمد اخاف
و أحمد فضل يزن ويزن
وخلصت السنة و فاطمة مش راضية وخايفة
قلبها مع أحمد وبتحبه لكن ماتقدرش تعمل كدة
وفى الصيف جه عريس .... فاطمة جريت تعيط ل أحمد وتقوله يتقدم لها
لكن أحمد أتحجج بانه مش جاهز
بالعافية فاطمة رفضت العريس وطلعت فيه العبر
وجت سنة تالتة أول ماقابلها احمد قالها ......
مش قولتلك لازم نحجز بعض بدل ماتطيرى منى
ولقت زميلات كتير عاملين كدة
فاطمة وافقت بعد ألحاح أنها تتجوز أحمد
فاطمة بنت 18 سنة أتجوزت أحمد عرفى
فاطمة وقعت ونهايتها معروفة
فاطمة فاقت بس بعد ما أحمد ادها سكة وهى بقت ............
مدام
فاطمة أتخرجت
فاطمة كل عريس يجى لها ترفضه
ماهى خايفة
غلطت غلط كبير قوى
فاقت وحست بيه لما كبرت زيادة وعرفت قد أيه هى كانت عبيطة وغبية
فاطمة تابت وانابت وعرفت الغلطة فين
لكن فاطمة فى المجتمع مدام
لاهى مطلقة ولا هى آنسة
هى حاجة غريبة
بنت 20 سنة ضاعت خلاص؟
مش من حقها تصلح غلطتها وتعيش حياتها بأى صورة
فاطمة يقام عليها الحد وتترجم ولا تتجلد وتتنفى من الأرض
فاطمة علمت أيه؟
أتجوزت عرفى
الله أتجوزت يعنى؟
لا بس العرفى فى السر يبقى مش جواز
وهى ايه اللى عرفها ده بنت 18 سنة
أه هى غلطانة بس مش مسئولة
أه هى تستحق ساعتها الدبح
بس ياما بنغلط
اه هى كانت مش كويسة
بس فاقت وعرفت الغلطة وتابت
المفروض يتعمل فيها أيه............حد يدبحها ولا تعمل هى أيه ..؟
فاطمة فيه منها 4 مليون فاطمة فى مصر وعربية
يعملوا ايه دول ..؟
ياترى لو حد جه يخطب فاطمة فيكم واعترفت له بده يقبل يتجوزها
ياترى لو فاطمة دى اختك ولا بنتك ولا حتى قريبتك تقتلها ولا تعمل فيها
ايه ..؟
ياترى حد عنده حل لفاطمة....؟
|
|
أبو قمر1
عضو
تاريخ التسجيل : 07/06/2011
عدد المساهمات : 9
نقاط : 11
الابراج : 
العمر : 53
رسالة sms :
دعاء :
اوسمتي :
| | موضوع: رد: إيــه رأيـك نتجوز دلوقــتى.. ولما نتخرج نعلن جوازنه الثلاثاء 07 يونيو 2011, 3:59 pm | |
| إيــه رأيـك نتجوز دلوقــتى.. ولما نتخرج نعلن جوازنه فاطمه لازم تعترف وتقول لأهلها
فاطمه لازم تشتكى وتاخد حقها
وتجيب رقم احمد ونكلمه ونقعد معاه ونفهمه
قبل ما يتسحب ع السجن وتبقى فضيحه له ولها ولأهلها
فاطمه ان اجرمت فالغلط عند اهلها
لأن التربية مش كده ودا سوء فهم منهم ومنها
نسأل الله أن يقى شبابنا وفتياتنا من الفتنه و شرها
|
|
